ЯНГИЛИКЛАР

Yevropa urugʻchilik uyushmasining ESTA sifat sertifikati (European Seed Treatment Assurance – Yevropa urugʻlarni sifatli qayta ishlash tizimi) urugʻlarni qayta ishlash va bu orqali olingan urugʻlar qonunchilik hamda sanoat standartlari talablariga muvofiq kelishini kafolatlaydi, maksimal samaradorlik hamda atrof-muhitga minimal taʼsir koʻrsatuvchi oʻsimliklarni himoya qilish vositalaridan minimal miqdorda maqsadli foydalangan holda oziq-ovqat mahsulotlari, yem-xashak va chorvachilik ekinlarining barqaror ishlab chiqarilishini taʼminlaydi.

Semillas Fitó kompaniyasi oʻzining sifat siyosatiga amal qilgan holda mijozlarga makkajoʻxori urugʻlarini ishlab chiqarish va qayta ishlashning eng yuqori xavfsizlik darajasini taklif etish maqsadida Les-Kases-de-Berbens (Lerida, Ispaniya) dagi logistik va texnologik markaz sertifikatini olishga, shuningdek, atrof-muhitni himoya qilishga sharoit yaratishga qaror qildi. Tekshiruv muvaffaqiyatli oʻtdi hamda 19-oktabr kuni biz SGSning Germaniyadagi boʻlinmasi tomonidan sertifikatlandik.

Urugʻlikni dala sharoitida yoki ochiq maydonda emas, nazorat qilinadigan bino ichida qayta ishlaganimiz sababli ushbu sertifikat orqali biz insektitsidlardan kamroq foydalanish hisobiga atrof-muhitni muhofaza qilamiz.

ESTA Nizomi sertifikatlashtirish doirasida urugʻlikni tozalashdan tortib qayta ishlangan urugʻlardan foydalanish va sotishga qadar boʻlgan 7 turdagi faoliyatni nazarda tutadi. Shunday qilib, ESTA urugʻlar sifati, ularni qayta ishlash va kelgusida foydalanish, shuningdek, ishlab chiqarish zanjirining barcha boʻgʻinlarida standartlarga rioya qilishni taʼminlash tizimini taqdim etgan holda korxona uchun muhim ahamiyatga ega.